Collections

Lab Shayari

Motivational Ghazals

Best Khamoshi Shayari

More Collections

Tags-Sabr

isī liye be-sabr huuñ us ke man kī bāteñ sunñe ko
apne man kī saarī bāteñ us se bol chukī huuñ maiñ

guzre lamhon ke dobara panne khol rahi hun main

rah ga.ī haiñ ab mire hāthoñ meñ sūkhī patiyāñ
sabr kī tāqat kahāñ thī phuul jab tak taaza thā

tere ghar ki bhi wahi diwar thi darwaza tha

tāqat-o-sabr tahammul merā
le ke kuchh aur hī farmā.iyegā

banda-parwar jo na pachhtaiyega

fitrat-e-husn to ma.alūm hai tujh ko hamdam
chāra hī kyā hai ba-juz sabr so hotā bhī nahīñ

sar mein sauda bhi nahin dil mein tamanna bhi nahin

ro.eñ gale se lag ke baham ḳhuub koī dam
kyā dekhtā hai ai dil-e-be-sabr-o-tāb aa

aana hai yun muhaal to ek shab ba-KHwab aa

ab giregī bhī to kaise ki bahut sabr ke saath
ham ne dīvār ko hāthoñ se banāyā huā hai

humne kahne ko tumhein dil se bhulaya hua hai

husn jab tak rahā nazzāra-farosh
sabr kī sharmsāriyāñ na ga.iiñ

KHub-ruyon se yariyan na gain

tire itaab sahe sabr se to lutf huā
tirā jamāl bhī dekhā tire jalāl ke ba.ad

subuk hun apni nigahon mein arz-e-haal ke baad

sabr ai dost! abhī sard kahāñ ġham kī aag
lab tak aa.e bhī to jal jā.eñge sab aish ke raag

meri shaeri aur naqqad

paal hī rakkhī thī jab daulat-e-duniyā kī havas
kaise phir sabr-o-qanā.at pe guzāra hotā

ishq ka khel ba-har-haal gawara hota

sabr karnā saḳht mushkil hai taḌapnā sahl hai
apne bas kā kaam kar letā huuñ āsāñ dekh kar

aap mein kyunkar rahe koi ye saman dekh kar

sabr hī aa.e ab qarār to kyā
TuuT hī jaa.e dil kī aas kahīñ

be-KHudi le uDi hawas kahin

sabr par dil ko to āmāda kiyā hai lekin
hosh uḌ jaate haiñ ab bhī tirī āvāz ke saath

sabr par dil ko to aamada kiya hai lekin

phāḌā hazār jā se garebān-e-sabr-e-'mīr'
kyā kah ga.ī nasīm-e-sahar gul ke kaan meñ

nikle hai jins-e-husn kisi karwan mein

kab tak ise sīñchoge tamannā-e-samar meñ
ye sabr kā paudā to na phūlā na phalā hai

hairan hai jabin aaj kidhar sajda rawa hai

sabr bhī kariye balā par 'mīr'-sāhib jī kabhū
jab na tab ronā hī kuḌhnā ye bhī koī Dhañg hai

jaan-gudaz itni kahan aawaz-e-ud-o-chang hai

kisī pe karnā nahīñ e'tibār merī tarah
luTā ke baiThoge sabr o qarār merī tarah

kisi pe karna nahin etibar meri tarah

razā o sabr o qanā.at tavāzo o taslīm
falak ne ham ko ḳhasā.il sikhā.e haiñ kyā kyā

wo jin ki lau se hazaron charagh jalte the

sabr thā ek monis-e-hijrāñ
so vo muddat se ab nahīñ aatā

ashk aankhon mein kab nahin aata

āshiqī sabr-talab aur tamannā betāb
dil kā kyā rañg karūñ ḳhūn-e-jigar hote tak

aashiqi sabr-talab aur tamanna betab