Tags-Sabr

jalālī aa.ina ik āsmāñ par mehr-e-tābāñ hai
banāyā hai zamīñ par sabr kī tasvīr miTTī ko

hameñ bhī sabr ḳhātir-ḳhvāh dād-e-haq hai ulfat meñ
vo de jaur o jafā kī daad jitnā us kā jī chāhe

tū uruuj de mire sabr ko
mirī ḳhvāhishoñ ko zavāl de

milo ḳhalvat meñ aur do tum mujhe dars-e-shakebā.ī
karam tum meñ na ho to dil mirā sabr-āzmā kyuuñ ho

chāra-e-dil sivā.e sabr nahīñ
so tumhāre sivā nahīñ hotā

the abhī to paas hī apne qarār-o-hosh-o-sabr
tere aate hī na-jāne vo kidhar ko uTh ga.e

churā le gayā koī dil bhī jigar bhī uḌā le gayā koī sabr-o-sukūñ bhī
yaqīñ hai tamannā nikalte nikalte nikal jā.egā āshiqoñ kā divālā

kisī ke vāda-e-sabr-āzmā kī ḳhair ki ham
ab e'tibār kī had se guzarte jaate haiñ

kabhī na ahd-e-junūñ meñ kisī ne sochā thā
ḳhirad kā daur bahut sabr-āzmā hogā

ishq se hue āgāh sabr kī bhī had dekhī
ḳhaak meñ milā doge der-āshnā ho kar

tere kahne se maiñ ab lā.ūñ kahāñ se nāseh
sabr jab is dil-e-muztar ko ḳhudā ne na diyā

sabr ta.amīr kī buniyād hai rabbā mere
mujh ko biphre hue jazbāt pe qaabū denā

daulat sabr-o-sukūñ gauhar-e-ashk-e-rañgīñ
ham ne ġhurbat meñ luTā.e ḳhazāne kyā kyā

tīra-shabī pe sabr thā so vo kisī ko bhā gayā
aap hī aap chhā gayā ek sahāb-e-rañg-o-bū

koī bhī itnā nahīñ kahtā 'nasīr'
sabr kar zālim use laate haiñ ham

jabr sahtā huuñ magar kab tak sahūñ insān huuñ
sabr kartā huuñ magar dil sabr ke qābil nahīñ

bahut ajab thī samundar se guftugū lekin
pahan ke pyaas palaTne kā sabr kar ga.ī huuñ

maiñ mulk-badar sabr bhī kar saktī thī lekin
ye dekhnā thā zulm kī sarhad hai kahāñ tak

sabr-o-taslīm kī sipar bhī nahīñ
aur tadbīr kār-gar bhī nahīñ

jins-e-sabr-o-ḳhirad luTe 'mārūf'
mulk-e-dil fauj-e-ġham ne aa maarā