Tags-Sabr

aah vo ġhārat-gar-e-sabr-o-shakeb
silsila-e-zulf shikan dar shikan

itnā be-sabr chaak siinā hai
sūñgh letā hai taar kī ḳhushbū

aaj is soz-e-tasavvur kī ḳhushī meñ ai dost
tā.ir-e-sabr ko āzād kiyā hai maiñ ne

harīf-e-be-jigar hai sabr varna kal kī sohbat meñ
niyāz-o-nāz kā jhagḌā giro thā ek jur.at kā

dil Duub gayā TuuT gayā sabr kā lañgar
ho kashtī-e-tan kyuuñ na pareshān-e-talātum

jaate haiñ jo sabr-o-hosh jaa.eñ
mujh ko ai dard tū bahut hai

tirā kyā kaam ab dil meñ ġham-e-jānāna aatā hai
nikal ai sabr is ghar se ki sāhib-ḳhāna aatā hai

mujhe hashr kar diyā baiThnā mujhe qahr ho gayā Thaharnā
hai basān-e-sabr gurez-pā nahīñ ġham-gusār mirā qalaq

qāfile vāloñ ke is sabr-o-tahammul ko salām
koī āsān hai rahzan ko bhī rahbar kahnā

na jaane kaun sā pal TuuT kar bikhar jaa.e
hamāre sabr kā kashkol bhar gayā kab kā

mirī sham-e-nūr ke us taraf mirī ḳhāk-e-sabz ke is taraf
ye na.ī zamīn hai jabr kī ye nayā gulāb hai sabr kā

mirī sub.h-e-ḳhvāb ke shahr par yahī ik javāz hai jabr kā
ki mire vajūd ke baaġh meñ abhī koī phuul hai sabr kā

ruuh ke jaane kī qālib se koī muddat nahīñ
sabr kar ai dil tujhe kyā sabr kī tāqat nahīñ

rusvā.iyoñ se duur nahīñ be-qarāriyāñ
dil ko ho kaash sabr kā yaarā kabhī kabhī

yahī mutālba 'raziya' hai aaj munsif se
hamāre sabr-o-razā kā koī sila diyā jaa.e

asā-e-sabr se rasta banā liyā ham ne
kabhī jo raah meñ dariyā-e-jabr aayā hai

tujhe lagā ki tū kar legā sabr mere baġhair
tū kar ke dekh hī le tajraba zarā sā hai

ik barq-e-be-qarār thī tamkīn-e-husn bhī
jis vaqt ishq ko ġham-e-sabr-āzmā diyā

ahl-e-zindāñ se ye kah do ki zarā sabr kareñ
hogā har samt gulistāñ hī gulistāñ ik roz

kuchh der aur shāḳh pe rahne de sabr kar
pakne de phal ko khāne meñ lazzat bhī aa.egī