Tags-Sahil

ek be-ḳhaufī mujhe le aa.ī sāhil ke qarīb
aa ke ab nazdīk sāhil ke Darā rahtā huuñ maiñ

mujh se naata toḌ ke sāhil
vo bhī ab pachhtātā hogā

nahīñ parvā na sabza ho lab-e-jū
ye miinā ho lab-e-sāhil ho ham hoñ

bachte bachāte mauj-e-havādis se aa ke ham
sāhil pe Duub jaa.eñ to sāhil kaheñ kise

karūñ ai 'mauj' kyā ummīd-e-sāhil
ki ab tūfāñ meñ kashtī ghirī hai

mire kis kaam kā aisā samundar
lab-e-sāhil bhī jis ke tishnagī hai

ab kyā ūñche bādbān par ḳhvāb sitāra chamke
āñkheñ rah ga.iiñ sāhil par aur haat samundar biich

ab aisā lagtā hai sāhil se aa lageñge ham
uḌā ke le ga.ī apnā to bādbān havā

mumkin hai ki sāhil ho pas-e-parda-e-tūfāñ
bhārat ke musalmāñ

ye hai aks-e-hilāl ai mauj-e-sāhil
ki shamshīr-e-badan kī be-niyāmī

jo husn-e-kashmakash hai dar-tah-e-āb
subuk-sārān-e-sāhil se kaheñge

māñgo samundaroñ se na sāhil kī bhiik tum
haañ fikr o fan ke vāste gahrā.ī maañg lo

koī gustāḳhī to kī hai naav ne girdāb se
varna yuuñ sāhil pe koī ġham-zada hotā nahīñ

sochte haiñ sar-e-sāhil 'bāqī'
ye samundar hameñ kyā dete haiñ

kis ḳhāmoshī se palTī hai 'ḳhāvar' vo mauj-e-dariyā
jis mauj-e-dariyā ne mujh ko sāhil par pahuñchāyā hai

shaam kī zau
har taraf sāhil pe halkā sā añdherā abr kā

pesh jo aayā sar-e-sāhil-e-shab batlāyā
mauj-e-ġham ko bhī magar mauj-e-tarab batlāyā

shahr meñ ham se kuchh āshufta-dilāñ aur bhī haiñ
sāhil-e-bahr pe qadmoñ ke nishāñ aur bhī haiñ

zauq meñ sūrat-e-mauj aa ke fanā ho jā.ūñ
koī bosa to bhalā ai lab-e-sāhil denā

us kī kashtī Duub ga.ī thī biich bhañvar meñ aa ke magar
kis mushkil se jaan bachā kar sāhil tak vo aayā hai