Tags-Sahil

pahchān rahī thī mujhe sāhil pe bichhī ret
ik lahr chalī aa.ī samundar se nikal kar

duur tak phailā samundar mujh pe sāhil ho gayā
lauT kar jaanā yahāñ se aur mushkil ho gayā

abhī baaqī hai imkān-e-talātum
abhī kashtī lab-e-sāhil nahīñ hai

kashtiyāñ lauT to aa.ī haiñ magar ik sāhil
soch meñ Duubā hai maujoñ kī kahānī sun kar

sāhil sāhil bhī kyā chalnā
maujoñ pe safīna Daal diyā hai

'salīm' qurb se bhī tishnagī nahīñ jaatī
ye baat sāhil-o-dariyā ne mujh ko samjhā.ī

shor itnā hai ki tanhā.ī ho mahfil jaise
kisī tūfān kī zad meñ koī sāhil jaise

ye tuuda ret kā hai beach dariyā
ye bah jā.egā ye sāhil nahīñ hai

na bañdhe tishnagi-e-zauq ke mazmūñ 'ġhālib'
garche dil khol ke dariyā ko bhī sāhil bāñdhā

jā lagegī kashtī-e-dil sāhil-e-ummīd par
dīda-e-tar se agar dariyā ravāñ ho jā.egā

zanjīr-e-mauj paañv meñ aa kar lipaT ga.ī
tūfāniyoñ kā dhyān hī sāhil meñ rah gayā

shā.ir kahāñ thā sirf thā jazbāt kā tāj-e-tapish
sāhil kī sūkhī ret meñ aksar yahī charchā huā

bhar diyā gauhar-e-nāyāb se ashkoñ ne mire
ḳhālī phailā huā jab dāman-e-sāhil dekhā

paanī kī chādareñ haiñ ḳhushkī hai maut un kī
ye ashk paak hoñge sāhil kī āstīñ se

miyān-e-qa.ar-e-dariyā hai safīna
nahīñ ai nāḳhudā sāhil nahīñ hai

maujoñ se laḌte vaqt to maiñ us ke saath thā
sāhil pe us ke haath meñ kui aur haath thā

sāhil dikhā.ī de to rahā thā bahut qarīb
kashtī ko rāsta hī bhañvar ne nahīñ diyā

utar to sakte ho yaar lekin ma.aal par bhī nigāh kar lo
ḳhudā-nā-karda sukūn-e-sāhil na raas aayā to kyā karoge

bīm-o-rajā se dil meñ dariyā kā jazr-o-mad hai
sāhil-navāz maujeñ aa.iiñ bhī aur ga.iiñ bhī

koī tūfān hai na ab koī talātum dil meñ
sāhil-e-dard pe Thahrā hai safīna apnā