Tags-Shaheed

kahtā hai ye pukār ke ḳhūn-e-shahīd-e-nāz
qātil maiñ tere gosha-e-dāmāñ se duur huuñ

firāqe-e-gul se jo nāla-kash hai qafas meñ bulbul shahīd-e-jalva
bahār-e-gulshan ḳhizāñ-numā hai junūñ-zada abr-e-bahmanī hai

sunā hai maqtal meñ aaj koī qatīl-e-hasrat shahīd hogā
huī jo shohrat ye shahar meñ hai har ik taraf ek sansanī hai

shahīd-e-armāñ paḌe haiñ bismil khaḌā vo talvār kā dhanī hai
idhar to ye qatl-e-ām dekhā udhar vo kaisī kaTā-chhanī hai

kare kyā sāz-e-bīnish vo shahīd-e-dard-āgāhī
jise mū-e-dimāġh-e-be-ḳhudī ḳhvāb-e-zuleḳhā ho

shahīd-e-yās huuñ rusvā huuñ nākāmī ke hāthoñ se
jigar kā chaak baḌh kar aa gayā hai mere dāman meñ

vo baar baar mohabbat se zikr-e-ḳhair kareñ
shahīd-e-ġham kī yahī fātiha yahī hai darūd

jo shahīd-e-nāz kūche meñ tumhāre thā paḌā
kyā kahūñ taqdīr use kyūñkar uThā kar le ga.ī

ḳhil.at shahīd-e-nāz ko bhijvāte haiñ javāb
kashtī meñ pahle phūloñ kī chādar lagā.iye

shahīd nāz-o-adā kā tire zamāna huā
uḌāyā mehñdī ne dil chor kā bahāna huā

harī bharī khetiyāñ kahāñ haiñ mire muqaddar ke zā.iche haiñ
shahīd-e-ishq-e-vafā kā 'tāhir' hatheliyoñ par hisāb likhnā

pareshān hai bahut 'anjum' ḳhudārā
shahīd-e-karbalā imdād kiije

urūs-e-marg se shādī huī hai ḳhuuñ se lab tar hai
gale meñ ye shahīd-e-nāz ke joḌā shahāna hai

qatl aalam hai tere abrū par
koī talvār se shahīd nahīñ

mar ga.e lākhoñ shahīd-e-nāz kuchh parvā nahīñ
vo tamāshā-e-hilāl-e-īd-e-qurbāñ meñ rahā

shahīd kījiyo qātil abhī na kar jaldī
Thaharne mujh ko tah-e-teġh-e-iztirāb to de

mere marne se hue saikḌoñ armān shahīd
'ālim' anjām meñ dil ganj-e-shahīdāñ niklā

bahār nazr-e-taġhāful huī ḳhizāñ Thahrī
ḳhizāñ shahīd-e-tabassum huī bahār huī

mire hāthoñ meñ ḳhuun malo to zarā tumhīñ dekho to rañg dikhātā hai kyā
karo aaj numūd-e-shahīd-e-adā tumheñ shoḳhi-e-rañg-e-hinā kī qasam

bañdheñ vo haath hinā se kiyā hai jin se shahīd
kuchh aur yaar se manzūr intiqām nahīñ