Tags-Wafa

jīte-jī qadr merī kisī ne na kī zindagī bhī mirī bevafā ho ga.ī
duniyā vaalo mubārak ye duniyā tumheñ kar chale ham salām āḳhirī āḳhirī

lahū jitnā thā saarā sarf-e-maqtal ho gayā lekin
shahīdān-e-vafā ke ruḳh kī tābānī nahīñ jaatī

mujh ko ehsās hai hālāt kī majbūrī kā
bevafā kah ke tujhe aap bhī sharmāyā huuñ

vo ghaḌī vo rut ga.ī vo din ga.e mausam ga.e
saath ik jān-e-vafā ke kitne hī aalam ga.e

ghar to hazāroñ ban ga.e īñToñ ko joḌ joḌ kar
ghar ke makīnoñ kī vafā zīnat-e-āshiyāñ huī

jafā.eñ baḳhsh ke mujh ko mirī vafā māñgeñ
vo mere qatl kā mujh hī se ḳhūñ-bahā māñgeñ

guzār shahr-e-vafā meñ samajh ke kar majnūñ
ki is dayār meñ 'mīr' shikasta-pā bhī hai

ḳhush hue tark-e-vafā kar ke ham
ab muqaddar bhī yahī ho jaise

chalo miTā.eñ adāvat kī rasm duniyā se
vafā pe pahra na chāhat pe koī bandish ho

tirī bevafā.ī kā shikva kareñ kyā
ḳhud apnī hī yaañ bevafā zindagī hai

dil vo kāfir hai ki mujh ko na diyā chain kabhī
bevafā tū bhī ise le ke pashemāñ hogā

vafā iḳhlās qurbānī mohabbat
ab in lafzoñ kā pīchhā kyuuñ kareñ ham

vo be-insāf aur apnī vafā kī daad yā qismat
gumān-e-dostī hai sādgī se ham ko dushman par

vafā par daġhā sulh meñ dushmanī hai
bhalā.ī kā hargiz zamāna nahīñ hai

vafā-shi.ār the ham log zindagī ham ne
guzār dī hai tire ġham kī pāsbānī meñ

rah-e-vafā ko na chhoḌā vo andalīb huuñ maiñ
chhuTā qafas se to parvāz kī chaman kī taraf

kahā thā kis ne ki ahd-e-vafā karo us se
jo yuuñ kiyā hai to phir kyuuñ gila karo us se

shāyad yahī kitāb-e-mohabbat ho lā-javāb
merī vafā ke saath hai terī jafā bahut

sajda-gāh-e-ahl-e-dil ba.ad-e-fanā ho jā.iye
saf.ha-e-hastī pe ik naqsh-e-vafā ho jā.iye

mujhe ḳhabar hai ki hai be-vafā bhī zālim bhī
magar vafā kā tirī e'tibār kaisā hai