Tags-Wafa

maiñ ḳhud gayā na us kī adā le ga.ī mujhe
maqtal meñ rasm-e-pās-e-vafā le ga.ī mujhe

naam le jab bhī vafā kā koī
jaane kyuuñ aañkh mirī bhar aa.e

sahrā meñ ghaTā kā muntazir huuñ
phir us kī vafā kā muntazir huuñ

bhalā arz-e-ġham se guzar ke bhī kabhī tum se koī gila kiyā
ye junūn-e-ishq ke tazkire to mirī vafā ke sile na the

ruḳhsat huā vo baap se le kar ḳhudā kā naam
rāh-e-vafā kī manzil-e-avval huī tamām

mehnat koshish aur vafā ke ḳhūgar zinda rahte haiñ
jin ko marnā aa jaatā hai aksar zinda rahte haiñ

patthar mārne vaale ik din ḳhud patthar ho jaate haiñ
rāh-e-vafā meñ jo sahte haiñ patthar zinda rahte haiñ

ham se koī ta.alluq-e-ḳhātir to hai use
vo yaar bā-vafā na sahī bevafā to hai

laboñ pe harf-e-vafā hai to phir nigāhoñ meñ
ye ḳhauf kyuuñ ho kahīñ koī dekhtā to nahīñ

rah-e-vafā se maiñ ik gaam bhī haTā to nahīñ
lahūluhān huā huuñ magar Darā to nahīñ

bevafā kī ham-rahī se fā.eda?
aur ab chalne kī himmat bhī nahīñ

sar jhukāoge to patthar devtā ho jā.egā
itnā mat chāho use vo bevafā ho jā.egā

jo bhūle se bachpan meñ pakḌī thī titlī
surūr-e-vafā meñ bhī utrā vahī rañg

maz.hab-e-ishq-o-vafā mujh ko ye detā hai salāh
tū jo kāfir nahīñ hotā to musalmāñ bhī na ho

koī to rāh-e-tamannā meñ ham-safar hotā
koī to kū-e-vafā meñ ḳhatā-shi.ār mile

maiñ to us ko dekhte hī jaise patthar ho gayā
baat tak muñh se na niklī bevafā ke sāmne

insān apne aap meñ majbūr hai bahut
koī nahīñ hai bevafā afsos mat karo

rah-e-vafā meñ raqābat ke moḌ bhī haiñ bahut
ye dil se kah do zarā hoshiyār ho ke chale

haif dil meñ tire vafā na huī
kyuuñ tirī chashm meñ hayā na huī

tire ḳhayāl kā maskan chaman chaman kā safar
mirī vafā kā nasheman faqat dayār-e-habīb