Tags-Wafa

dasht-e-vafā meñ paañv ke chhāloñ kā kyā shumār
thā azm sañglāḳh ko tahlīl kar gayā

jab tum hamāre ho na sake ham nahīñ rahe
lo dāstān-e-meh-e-vafā muḳhtasar hai aaj

marhabā sad marhabā jazb-e-vafā kāmil hai aaj
vo adā-e-be-niyāzī ġham-gusār-e-dil hai aaj

TūTte hī un se ummīd-e-vafā
dil hamārā phir na dhaḌkā der tak

ye zamāna bevafā hai 'nūr'-jī
kab kisī kā saath degā der tak

zarā rasā.ī-e-manzil-gah-e-murād to dekh
chale the shahr-e-vafā se pahuñch ga.e sar-e-dār

ġham-gusārī ḳhulūs mehr-o-vafā
ho ga.e haiñ ye phuul baasī kyuuñ

zindagī bevafā azal se hai
phir bhī lagtī hai bā-vafā sī kyuuñ

nazar ko ik ufuq tāza-e-ruḳhī se terī miltā hai
vafā us fāsle kā raaz pā kar ḳhud sambhaltī hai

dil-e-sozān-e-āshiq maḳhzan-e-rañg-e-vafā hogā
vo hissa qadr ke qābil hai jitnā jal gayā hogā

mire junūñ meñ mirī vafā meñ ḳhulūs kī jab kamī milegī
chaman giraft-e-ḳhizāñ meñ hogā bahār ujḌī huī milegī

na koī lagan na dil meñ chubhan na rashk-e-suḳhan na rañg-e-chaman
nahīñ thā jinheñ shu.ūr-e-vafā vo aalī maqām ho na sake

ḳharīd ke lā na pāoge tum mileñge nahīñ dūkāñ pe usuul
the sāhab-e-zar hazār magar vafā ke ġhulām ho na sake

vafā kā naam letā hai vafā-nā-āshnā ho kar
vo ḳhud ko intihā.ī pārsā ta.abīr kartā hai

maar kar bhī hamīñ pe pachhtāyā
be-vafā tū ki be-vafā haiñ ham

darguzar bām-e-vafā se ki junūñ-ḳhez havā
ye charāġh ek shab-e-va.ada kā pāband bhī hai

tujh se vafā na kī to kisī se vafā na kī
kis tarah intiqām liyā apne aap se

duniyā meñ ehtirām ke qābil vo log haiñ
ai zillat-e-vafā tirī izzat jinhoñ ne kī

huī na us se vafā tum se kyā huā 'nāhīd'
abhī talak jiye jaatī ho bāolī ban kar

sadme jhelūñ jaan pe khelūñ us se mujhe inkār nahīñ hai
lekin tire paas vafā kā koī bhī me.aar nahīñ hai