Tags-Wahm

kuchh ta.alluq bhī nahīñ rasm-e-jahāñ se aage
us se rishta bhī rahā vahm o gumāñ se aage

mujhe muddatoñ yahī vahm thā ki ye ḳhaak kīmiyā ban ga.ī
isī kashmakash meñ guzar ga.ī ki fuġhāñ karūñ to asar bhī hai

kyā vahm thā ki khilte hī lab band ho ga.e
kyā baat thī ki lafz bhī puurā nahīñ kiyā

apne vahm-o-gumān se niklā
maiñ añdhere makān se niklā

farhat-ehsās ko hai saarī haqīqat ma.alūm
mahfil-e-vahm se jaanā bhī nahīñ chāhtā hai

adam vajūd ta.ayyun sifāt jalva-e-zāt
ġhalat hai vahm duī nafi hai ye fil-asbāt

jism tū bhī hai jism maiñ bhī huuñ
ruuh ik vahm ke sivā kyā hai

ajzā-e-hast-o-būd mohabbat meñ kho ga.e
ik vahm hai so us kā bhī koī gumāñ nahīñ

ye vahm thā ki mujhe vo bhulā chukā hogā
magar milā to vo merī hī tarah muztar thā

yuuñ to qaa.em haiñ īmāñ pe apne magar
dil ke vahm-o-gumāñ se mukarte nahīñ

qarīb-o-dūr vahm-e-nā-rasā.ī
kabhī manzil kabhī ḳhud kārvāñ gum

zindagī manāne ko vahm bhī ġhanīmat haiñ
ham bhī vahm hī hoñge vahm agar nahīñ hoñge

yā-rab tirī rahmat jo kabhī josh meñ aa.e
maiñ soch bhī pā.ūñ na kabhī vahm-o-gumāñ meñ

hāsil-e-kunj-e-qafas vahm-ba-kaf tanhā.ī
raunaq-e-shām-e-safar tā-ba-sahar sannāTā

vajūd vahm banā miT gayā magar phir bhī
tumhāre paas nahīñ huuñ qayās ho kar bhī

falak had hai ki sarhad hai zamīñ ma.adan hai yā madfan
mujhe bechain hī rakhte haiñ ye vahm o yaqīñ mere

juz hirs-e-manfa.at tah-e-dariyā bhī kuchh na thā
juz vahm-e-āfiyat lab-e-sāhil bhī kuchh nahīñ

ham jaur-parastoñ pe gumāñ tark-e-vafā kā
ye vahm kahīñ tum ko gunahgār na kar de

jab hukm ho gayā hai ki nāla-ba-lab raheñ
phir vahm kyā hai zahr kī tāsīr kuchh bhī ho

vo nāzuk sā tabassum rah gayā vahm-e-hasīñ ban kar
numāyāñ ho gayā zauq-e-sitam chīn-e-jabīñ ban kar