Tags-Waiz

kahte haiñ chhup ke raat ko piitā hai roz mai
vaa.iz se raah kījiye paidā kisī tarah

be-piye vaa.iz ko merī raa.e meñ
masjid-e-jāma meñ jaanā hī na thā

ġharīb akbar ke gard kyuuñ meñ ḳhayāl vaa.iz se koī kah de
use Darāte ho maut se kyā vo zindagī hī se Dar chukā hai

vaa.iz o shaiḳh ne sar joḌ ke badnām kiyā
varna badnām na hotī mai-e-gulfām abhī

karāmat piine vāloñ kī abhī dekhī nahīñ vaa.iz
jahāñ jam jaa.eñ bāda-kash vahīñ paimāna ho jaa.e

ishq o mohabbat kyā hote haiñ kyā samjhā.ūñ vaa.iz ko
bhaiñs ke aage biin bajānā mere bas kī baat nahīñ

dam hameñ dene ko aayā hai are jā vaa.iz
muñh se aatī hai chalī tere abhī shiir kī bū

kam-baḳhtī-e-vā.iz hai ki ho va.az kī sohbat
rindān-e-qadah-nosh kī mahfil ke barābar

ab kahāñ huur ḳhuld meñ vaa.iz
tū ne barbād yuuñ hī mehnat kī

bāda-kash vā.iz-e-kaj-fahm se kyā bahs kareñ
us ne dekhā hai bahut duur se maiḳhāne ko

dī duhā.ī tirī rahmat kī gunahgāroñ ne
lab-e-vā.iz pe jūñhī nām-e-jahannam aayā

vaa.iz o shaiḳh sabhī ḳhuub haiñ kyā batlā.ūñ
maiñ ne maiḳhāne se kis kis ko nikalte dekhā

aa hī kuudā thā dair meñ vaa.iz
ham ne Taalā ḳhudā ḳhudā kar ke

javāb-e-vā.iz-chābuk-zabāñ meñ 'faiz' hameñ
yahī bahut haiñ jo do harf-e-sāda rakhte haiñ

tire kalām ne kaisā asar kiyā vaa.iz
ki dil ziyāda-tar āvāra ho gayā vaa.iz

rind-o-vā.iz the baham dast-o-garebāñ kal raat
jaane kyā haal huā shīsha-o-paimāne kā

dil diyā hai jis ko vaa.iz hai hameñ us kī talāsh
hūr-e-jannat se shanāsā.ī nahīñ ulfat nahīñ

jise kabhī sar-e-mimbar na kah sakā vaa.iz
vo baat ahl-e-junūñ zer-e-dār kahte haiñ

vaa.iz se Dar ga.e ki na shāmil hue ham aaj
tartīb-e-mahfil-e-mai-o-cha.g-o-rabāb meñ

ahd-e-mīsāq kā lāzim hai adab ai vaa.iz
hai ye paimān-e-vafā rishta-e-zunnār na toḌ