Tags-Waiz

qaul us daroġh-go kā koī bhī sach huā hai
vaa.iz jahān-bhar kā jhūTā labā.riyā hai

ye vaa.iz kaisī bahkī bahkī bāteñ ham se karte haiñ
kahīñ chaḌh kar sharāb-e-ishq ke nashshe utarte haiñ

taqlīd ab maiñ hazrat-e-vā.iz kī kyuuñ karūñ
saaqī ne de diyā mujhe fatvā javāz kā

aave jo mastaba meñ to sun lo ki raah se
vaa.iz ko ek jām-e-mai-e-nāb le gayā

jo ho achchhā hazār achchhoñ kā
vaa.iz us but ko tū burā jaane

kyā batā.eñ tujh ko vaa.iz mai-kashī ke ham maze
aap ho jā.eñge ma.alūm ek paimāne ke ba.ad

kahīñ dāvat meñ kal ham aur vaa.iz paas baiThe the
koī le kar sharāb aayā koī le kar kabāb aayā

bas ek jaam ne rindoñ kī aabrū rakh lī
vagarna kam na thā vaa.iz kā shor-e-ġhaiz-o-ġhazab

vaa.iz ne jo farmāyā thā mehrāb-e-haram meñ
rindoñ se vo kyuuñ sāqi-e-mai-ḳhāna kahā jaa.e

hameñ to hazrat-e-vā.iz kī zid ne pilvā.ī
yahāñ irāda-e-sharb-e-mudām kis kā thā

asl meñ jalva ye kis kā hai tū hī kah vaa.iz
terā rab aur sahī merā sanam aur sahī

mimbar pe baiTh kar tū itnā bahak na vaa.iz
kaisī ye nīchī bāteñ ūñchī dukān vaale

be-naqd-e-amal jannat kī talab kyā shai haiñ janāb-e-vā.iz bhī
muTThī meñ nahīñ haiñ dām-o-diram bāzār kī bāteñ karte haiñ

mai-ḳhāne kī baat na kar vaa.iz mujh se
aanā jaanā terā bhī hai merā bhī

baat itnī sī hai ai vā.iz-e-aflāk-nashīñ
kyā milegā use yazdāñ jise insāñ na milā

sāqī-o-vā.iz meñ zid hai bāda-kash chakkar meñ hai
tū ba-lab pur aur lab Duubā huā sāġhar meñ hai

vaa.iz ne yuuñ banā liyā ḳhud nazm-e-zindagī
hote raheñ gunāh pa us ko ginūñ nahīñ

hazrat-e-vā.is kahīñ daulat-sarā ko jā.iye
aate hī sāmān-e-mahshar aap dikhlāne lage

tirī ḳhush-bayānī kā kyā zikr vaa.iz
ḳhamoshī tirī ḳhush-bayānī se achchhī

ḳhair us meñ hai vaa.iz ki kabhī mai kī mazammat
karnā na kisī rind-e-ḳhush-atvār ke aage