Tags-Waiz

ham-nafas bāġh-e-jināñ ghar hai gunahgāroñ kā
DhūñDh dozaḳh meñ kahīñ jā ke makān-e-vā.iz

paak hai lazzat-e-ishrat se zabān-e-vā.iz
jo balā aa.e ilāhī so ba-jān-e-vā.iz

hai tanaffur jo butoñ se vaa.iz
sifat-e-husn-e-ḳhudā-dād to kar

ye jurm-e-mohabbat nahīñ vaa.iz kā muqaddar
ye bār-e-gunāh ham se gunahgār uThā.eñ

ye jahān-e-mai-o-mīnā-o-subū ai vaa.iz
partav-e-nargis-e-mastāna hai kyuuñ hai ki nahīñ

sohbat-e-vā.iz meñ bhī añgḌā.iyāñ aane lagīñ
raaz apnī mai-kashī kā kyā kaheñ kyūñkar khulā

roz-e-jazā se vā.iz-e-nādān use Darā
sadma shab-e-firāq kā jis ne sahā na ho

ye shaiḳh haiñ aur ye barhaman haiñ ye vaa.iz o sadr-e-anjuman haiñ
zamāna pahchāntā hai sab ko har ik pe lebal lagā diye haiñ

tark-e-gunāh ai vā.iz-jī dil se nahīñ majbūrī hai
aap ḳhudā se Darte haiñ maiñ duniyā se Dartā huuñ

ye TūTegī havā-e-gul se vaa.iz
mirī tauba ko kyā nisbat vuzū se

safedī ḳhāna-e-dil meñ siyah-kāroñ ke phereñge
nahīñ mimbar pe vaa.iz paaḌ par me.amār baiThe haiñ

vaa.iz tū agar un ke kūche se guzar jaa.e
firdaus kā manzar bhī nazroñ se utar jaa.e

vaa.iz ye mai-kada hai na masjid ki is jagah
zikr-e-halāl par bhī hai fatvā harām kā

jallād se Darte haiñ na vaa.iz se jhagaḌte
ham samjhe hue haiñ use jis bhes meñ jo aa.e

yā ilāhī halāl hoñ vaa.iz
duḳht-e-raz harām karte haiñ

vo nāseh hoñ ki vaa.iz hoñ ki qaa.id hoñ ki rahbar hoñ
inhīñ logoñ se phailī hai jahāñ meñ nasl-e-insānī

ham se vaa.iz ne baat kī hotī
gumrahī apnī be-dalīl nahīñ

abr ban kar jo baras paḌne ko aayā vaa.iz
be-tarah ham ne ḳhum-e-mai ko ubalte dekhā

kidhar se barq chamaktī hai dekheñ ai vaa.iz
maiñ apnā jaam uThātā huuñ tū kitāb uThā

bharā hai ḳhuub hī rindoñ ne us ko ai vaa.iz
isī se duḳhtar-e-raz aap se khiñchī hogī