Tags-Waiz

riñd jannat meñ jā bhī chuke
vā.iz-e-mohtaram rah ga.e

sharāb pī to gunahgār maiñ huā vaa.iz
burā.ī kī jo mirī tujh ko kyā savāb milā

hañsī aatī hai ham ko hazrat-e-vā.iz kī bātoñ par
jo ḳhud mai-kash nahīñ vo mai-kashī kā raaz kyā jāneñ

itnī havā na vā.iz-e-dīñ-dār bāñdhiye
izzat sañbāliye sar-e-dastār bāñdhiye

Darātā hai hameñ mahshar se tū vaa.iz are jā bhī
ye hañgāme to ham ne roz kū-e-yār meñ dekhe

munharif kyuuñ ruḳh-e-mahbūb se hai ai vaa.iz
tū musalmān huā qā.il-e-qur.āñ na huā

saaqī ne de ke jaam kiyā ham ko shādmāñ
vaa.iz ne sogvār kiyā hai kabhī kabhī

nisāb-e-nāb-e-husainī mirī tamannā hai
ḳhitāb-e-vā.iz-o-darvesh meñ surūr nahīñ

jab uThā saaqī to vaa.iz kī na kuchh bhī chal sakī
merī qismat kī tarah gardish meñ jaam aa hī gayā

qayāmat ke aane meñ rindoñ ko shak thā
jo dekhā to vaa.iz chale aa rahe haiñ

vā.iz-e-shahr ḳhudā hai mujhe ma.alūm na thā
yahī bande kī ḳhatā hai mujhe ma.alūm na thā

'valī' kuuñ mat malāmat kar ai vaa.iz
malāmat āshiqoñ par kab ravā hai

vaa.iz se rah-o-rasm rahī rind se sohbat
farq in meñ koī itnā ziyāda to nahīñ thā

nahīñ hai fursat yahīñ ke jhagḌoñ se fikr-e-uqbā kahāñ kī vaa.iz
azāb-e-duniyā hai ham ko kyā kam savāb ham le ke kyā kareñge

laakh ham riñd sahī hazrat-e-vā.iz lekin
aaj tak ham ne na pī qibla-e-ālam kī tarah

jaate to ho mai-ḳhāne masjid meñ bhī yak saa.at
vaa.iz kā muhib sunte khaḌDāg chale jaanā

kalām karne ko nāseh rahā na vaa.iz hai
maiñ kyā kahūñ ki mire paas bad-duā nahīñ hai

be-ḳhatā mai-kashoñ pe chashm-e-ġhazab
hashr hone de dekhnā vaa.iz

aaj kartā huuñ vasf-e-mai maiñ 'amīr'
dekhūñ kahtā hai is meñ kyā vaa.iz

allāh allāh ye kibr aur ye ġhurūr
kyā ḳhudā kā hai dūsrā vaa.iz