Tags-Waiz

aaj kartā huuñ vasf-e-mai maiñ 'amīr'
dekhūñ kahtā hai is meñ kyā vaa.iz

allāh allāh ye kibr aur ye ġhurūr
kyā ḳhudā kā hai dūsrā vaa.iz

duḳht-e-raz ko burā mire aage
phir na kahnā kabhī sunā vaa.iz

tere kahne se riñd jā.eñge
ye to hai ḳhāna-e-ḳhudā vaa.iz

hajv-e-mai kar rahā thā mimbar par
ham jo pahuñche to pī gayā vaa.iz

chup bhī ho bak rahā hai kyā vaa.iz
maġhz rindoñ kā khā gayā vaa.iz

agar masjid se vaa.iz aa rahe haiñ
qadam kyuuñ Dagmagā.e jā rahe haiñ

javāz mai kā muḳhālif agar hai ai vaa.iz
kahāñ likhā hai dikhā lā uThā kitāb uThā

aap hazrat-e-vā.is pahle ḳhud ko pahchāneñ
kyūñki ḳhud-shanāsī hī vaj.h-e-haq-shanāsī hai

fazl-e-īzad se mubārak rahe ai vā.iz-e-shahr
kūcha-e-yār hameñ aur tujhe firdaus kā baaġh

paḌ ga.ī bakne kī lat varna yahāñ tak na thā
vā.iz-e-nā-faham ko harza-sarā.ī kā ishq

jannat kī ham ko ḳhvāhish dozaḳh kā Dar nahīñ hai
be-asl muft vaa.iz ham ko ubhārte haiñ

pūchh mat lazzat-e-mai ai vaa.iz
jānvar dām-e-sharī.at mat toḌ

mirī sharāb kī tauba pe jā na ai vaa.iz
nashe kī baat nahīñ e'tibār ke qābil

is meñ saaqī kā bhī dar-parda ishāra to nahīñ
aaj kuchh rind bhī the vā.iz-e-badnām ke saath

saaqī o vaa.iz meñ zid hai bāda-kash chakkar meñ hai
tauba lab par aur lab Duubā huā sāġhar meñ hai

mire ham-safīr ise bhī asar-e-bahār samjhe
unheñ kyā ḳhabar ki kyā hai ye navā-e-āshiqāna

tujhe yaad kyā nahīñ hai mire dil kā vo zamāna
vo adab-gah-e-mohabbat vo nigah kā tāziyāna

ik ġhalat sajde se kyā hotā hai vaa.iz kuchh na pūchh
umr bhar kī sab riyāzat ḳhaak meñ mil jaa.e hai

zindān-e-jahāñ se ye nafrat ai hazrat-e-vā.iz kyā kahnā
allāh ke aage bas na chalā bandoñ se baġhāvat kar baiThe