Tags-Waiz

ḳhauf hai din ko dekhe na duniyā ho na taqaddus aap kā rusvā
qasd hai mai-ḳhāne kā jo vaa.iz is ke liye hai shaam munāsib

vaa.iz tujhe ḳhabar hai mai-ḳhāna kis kā ghar hai
ḳhum us kī pusht par hai khulvā na muñh subū kā

muñh zer-e-tāk kholā vaa.iz bahut hī chūkā
beloñ ne dāḌhī pakḌī ḳhoshoñ ne muñh meñ thūkā

mutma.in ḳhud hī nahīñ phir asar-andāz ho kyā
pand-e-vā.iz abhī andesha-e-anjām meñ hai

vaa.iz butoñ ke aage na furqāñ nikāliye
sūrat se un kī ma.anī-e-qur.āñ nikāliye

vaa.iz ko la.an-ta.an kī fursat hai kis tarah
puurī abhī ḳhudā kī taraf lau lagī nahīñ

vaa.iz tirā ḳhudā.ī kā da.avā nahīñ gunāh
kartā hai aaj faisle roz-e-hisāb ke

maiñ batā.ūñ vā.iz-e-ḳhush-navā hai jahān-o-ḳhuld meñ farq kyā
ye agar fareb-e-ḳhayāl hai vo fareb-e-husn-e-ḳhayāl hai

agar terī tarah tablīġh kartā pīr-e-mai-ḳhāna
to duniyā-bhar meñ vaa.iz mai-kashī hī mai-kashī hotī

shikāyat mujh ko donoñ se hai nāseh ho ki vaa.iz ho
na samjhā huuñ na samjhūñ sar phirā le jis kā jī chāhe

rind khaḌe haiñ mimbar mimbar
aur vaa.iz ne pī rakkhī hai

ham āsiyoñ kā bhī allāh hai gar ai vaa.iz
tū mo'taqid hai ki jannat hai pārsā ke liye

vaa.iz ḳhayāl-e-tauba bajā hai magar abhī
maiñ to ba-qadr-e-zarf gunāhgār bhī nahīñ

mujhe kāfir hī batātā hai ye vaa.iz kam-baḳht
maiñ ne bandoñ meñ ka.ī baar ḳhudā ko dekhā

koī ilāj-e-ġham-e-zindagī batā vaa.iz
sune hue jo fasāne haiñ phir sunā na mujhe

ho jis se aage vo but ham se ham-suḳhan vaa.iz
kahīñ hadīs meñ aisī duā nahīñ aa.ī

zikr-e-sharāb-e-nāb pe vaa.iz ukhaḌ gayā
bole the achchhī baat bhale aadmī se ham

vaa.iz ne mai-kade ko jo dekhā to jal gayā
phailā gayā charāñd sharāb-e-tahūr kī

mai-kada vaa.iz se ab chhuTtā nahīñ
bād-e-paimā bāda-paimā ho gayā

dekh vaa.iz mujh ko maiñ kyā ho gayā
aadmī thā pī farishta ho gayā