Tags-Waiz

bahisht kī mujhe tarġhīb de na tū vaa.iz
kisī kī mujh ko tamannā nahīñ sivā.e habīb

vaa.iz o mohtasib kā jamghaT hai
mai-kada ab to mai-kada na rahā

vaa.iz ko apne rañg pe le aayā khīñch kar
aaj ābrū-e-riñd-e-ḳharābāt rah ga.ī

majbūri-e-sāqī bhī ai tishna-labo samjho
vaa.iz kā ye manshā hai mai-ḳhvāroñ meñ chal jaa.e

rīsh-e-vā.iz safed hai kitnī
nahīñ chaḌhtā kabhī ḳhizāb kā rañg

jo tere gunah baḳhshegā vaa.iz vo mire bhī
kyā terā ḳhudā aur hai bande kā ḳhudā aur

qadr-o-qazā kā zikr kuchh is tarah se kiyā
vaa.iz ne nok-e-nāḳhun-e-tadbīr chhīn lī

vaa.iz hai na zāhid hai nāseh hai na qātil hai
ab shahr meñ yāroñ kī kis tarah basar hogī

hazrat-e-vā.iz na aisā vaqt haath aa.egā phir
sab haiñ be-ḳhud tum bhī pī lo kuchh agar shīshe meñ hai

vaa.iz kā e'tirāz ye but haiñ ḳhudā nahīñ
merā ye e'tiqād ki jalve ḳhudā ke haiñ

vaa.iz na mai-kade meñ sheḳhī baghār aa kar
saaqī alag rahegā mai-ḳhvār dekh leñge

chalo vaa.iz se hargiz kuchh na bolo chup raho rindo
huā josh-e-ġhazab yā sar pe us nādāñ ke jin aayā

kabhī masjid meñ jo vaa.iz kā bayāñ suntā huuñ
yaad aatī hai mujhe pīr-e-ḳharābāt kī baat

hai baat baat pe hajv-e-subū-o-sāġhar-o-mai
janāb-e-hazrat-e-vā.is se naak meñ dam hai

ḳhudā vaa.iz se samjhe hashr ke din
hameñ us be-vazū ne maar Daalā

ab dair-o-haram kī shorish ko ai vā.iz-e-nādān bhuul bhī jā
ye bazm ki bazm-e-rindāñ hai yaañ kufr bhī hai islām bhī hai

dhuñd chhaT jā.egī vaa.iz chaar din meñ dekhnā
Duub jā.eñge tire qisse mire elaan meñ

ajab kyā jo hai bad-gumāñ sab se vaa.iz
burā sunte sunte burā kahte kahte

dhoke se pilā dī thī use bhī koī do ghūñT
pahle se bahut narm hai vaa.iz kī zabāñ ab

aao ḳhush ho ke piyo kuchh na kaho vaa.iz ko
mai-kade meñ vo tamāshā.ī hai kuchh aur nahīñ