Tags-Baankpan

so rahā hai terā vāris kis taraf pahne kafan
dafn hai kis des meñ terā urūsī bāñkpan

vo jo harf-e-tāza-misāl the unheñ jab se tū ne bhulā diyā
tirī bazm-e-nāz kā bāñkpan kisī ḳhānqāh meñ jal-bujhā

marqad meñ utārā hameñ tevrī ko chaḌhā kar
ham mar bhī ga.e par na chhuTā bāñkpan un kā

ġhairoñ hī pe chaltā hai jo ab naaz kā ḳhanjar
kyuuñ beach meñ laayā thā mujhe bāñkpan un kā

dikhlātā ik adā meñ hai sau sau tarah banāo
is sāda-pan ke saath tirā bāñkpan mujhe

ye bāñkpan ye adā ye shabāb kā aalam
tum aa ga.e to kisī kā ab intizār nahīñ

mire dil kī āb-o-havā lagī ki vafā bhī un ko ḳhatā lagī
vahī sādgī se jo aa.e the vahī bāñkpan se chale ga.e

kuchh junūñ kī sarfaroshī kuchh ḳhirad kā bāñkpan
varna hai uzv-e-muattal ālam-e-asbāb bhī

mire ḳhayāloñ meñ aaj bhī haiñ vo bāñkpan kī mahaktī rāteñ
kisī kī āñkhoñ se jaam piinā kisī badan ke gulāb paḌhnā

junūñ kī jāda-tarāshī hai bāñkpan merā
ye rahguzār-e-jahāñ apnī rahguzar kyuuñ ho

kisī kā bāñkpan saare zamāne meñ pukār aayā
chamak āñkhoñ meñ aa.ī nok-e-mizhgāñ par nikhār aayā

sar par havā-e-zulm chale sau jatan ke saath
apnī kulāh kaj hai usī bāñkpan ke saath

ye tirā bāñkpan ye ra.anā.ī
rashk-e-mahtāb terī zebā.ī

vaqt āḳhir le gayā vo shoḳhiyāñ vo bāñkpan
phuul se chehre the kitne aur the nāzuk badan

mere asbāb nām-o-numū kyā
bas yahī bāñkpan sādgī ke

raunaq faroġh-e-dard se kuchh anjuman meñ hai
ḳhūn-e-jigar ġharīb kā har bāñkpan meñ hai

haañ kis ko hai mayassar ye kaam kar guzarnā
ik bāñkpan se jiinā ik bāñkpan se marnā

'amīr' imaam batāo ye mājrā kyā hai
tumhāre sher usī bāñkpan meñ lauT aa.e

us ke ḳharrāToñ ko fitrī bāñkpan kahnā paḌā
ful badan aurat thī jis ko gul-badan kahnā paḌā

kyuuñ saperā-pan tire nainoñ meñ paidā ho gayā
is qadar shoḳhī kidhar se bāñkpan meñ aa ga.ī