English
Favourite
Favourite
UrduShayarUrduShayar
Expand menu
Sign inAccount

Tags-Bahaar

daraḳht phir se harā phaloñ se bharā huā hai
magar vo patte bahār meñ jo hare nahīñ the
Ghazal
 wahi the jo apni justuju mein khare nahin the
muḳhtalif haiñ mirī bahār ke rañg
kuchh mire apne kuchh udhār ke rañg
Ghazal
 muKHtalif hain meri bahaar ke rang
thak ga.e par mahak na lā paa.e
kāġhzī phuul par bahār ke rañg
Ghazal
 muKHtalif hain meri bahaar ke rang
aaj yaksar bahār le aa.ī
mere dil kī galī meñ pyaar ke rañg
Ghazal
 muKHtalif hain meri bahaar ke rang
'ḳhizāñ' na soch ki biktī hai kyuuñ badan kī bahār
samajh ki ruuh kī saudā-garī hai ye duniyā
Ghazal
 sabab talash na kar bas yunhi hai ye duniya
ba-rañg-e-ġhuncha bahār us chaman kī sunte the
pa juuñ hī aañkh khulī mausam-e-ḳhizāñ dekhā
Ghazal
 main KHub ahl-e-jahan dekhe aur jahan dekha
ġham-e-hayāt bhī āġhosh-e-husn-e-yār meñ hai
ye vo ḳhizāñ hai jo Duubī huī bahār meñ hai
Sher
 gham-e-hayat bhi aaghosh-e-husn-e-yar mein hai
manziloñ ko nazar meñ rakkhā hai
jab qadam rahguzar meñ rakkhā hai
Ghazal
 باغ میں جوشِ بہار آخر یہاں تک آ گیا
bahār-e-nau kī phir hai aamad aamad
chaman ujḌā koī phir ham-nafas kyā
Sher
 bahaar-e-nau ki phir hai aamad aamad
ye baaġh zinda rahe ye bahār zinda rahe
maiñ mar bhī jā.ūñ to kyā merā yaar zinda rahe
Ghazal
 ye bagh zinda rahe ye bahaar zinda rahe
mere hone se yahāñ aa.ī hai paanī kī bahār
shāḳh-e-girya thā sar-e-dasht lagāyā gayā maiñ
Ghazal
 itna aasan nahin masnad pe biThaya gaya main
hai be-niyāz-e-shādī-o-ġham merī be-ḳhudī
ye vo chaman hai jis meñ bahār o ḳhizāñ nahīñ
Ghazal
 tu bhi wahan nahin mohabbat jahan nahin
fasl-e-bahār aa.ī hai chaltā hai daur-e-jām
muġh kī dukān shaam khule yā sahar khule
Ghazal
 jauhar nahin hamare hain sayyaad par khule
kahte haiñ log auj pe thā mausam-e-bahār
dil kah rahā hai arbada-e-zulf-e-yār thā
Ghazal
 barish ki rut thi raat thi pahlu-e-yar tha
hamārī baat pe kis ko yaqīn aa.egā
ḳhizāñ meñ ham ne bashārat bahār kī dī hai
Ghazal
 lahu ne kya tere KHanjar ko dilkashi di hai
ga.ī fasl-e-bahār gulshan se
bulbuloñ uḌ chalo nasheman se
Ghazal
 gai fasl-e-bahaar gulshan se
sunā hai us ke laboñ se gulāb jalte haiñ
so ham bahār pe ilzām dhar ke dekhte haiñ
Ghazal
 suna hai log use aankh bhar ke dekhte hain
numū ke baab meñ vo bebasī kā aalam hai
bahār maañg rahī hai ḳhizāñ rutoñ se gulāb
Ghazal
 badal chuke hain sab agli riwayaton ke nisab
dekh use rañg-e-bahār o sarv o gul aur jūebār
ik uḌā ik gir gayā ik jal gayā ik bah gayā
Sher
 dekh use rang-e-bahaar o sarw o gul aur juebar
ab to sahrā bhī gulistāñ hai bahār aane par
shahr ko chhoḌ ke dīvāne kidhar jā.eñge
Ghazal
 hum to din-raat isi soch mein mar jaenge
Top Urdushayar.com