Tags-Bahaar

maġhz-e-bahār is baras us bin bachā na thā
chīn-e-jabīñ bin ek gul ab kī hañsā na thā

kaisā samāñ hai kaisī ye fasl-e-bahār hai
shahr-e-vafā ke phūloñ meñ nik.hat nahīñ rahī

mire bāġh-e-dil ke nasīb meñ
faqat intizār-e-bahār hai

jo thī bahār to gaate rahe bahār kā raag
ḳhizāñ jo aa.ī to ham ho ga.e ḳhizāñ kī taraf

ham ne tumhārī yaad ke dāġhoñ se bhar ke dil
dil-gashta-e-bahār kiyā hai kabhī kabhī

ḳhūn-e-jigar se ham ne guloñ ko nikhār kar
gulshan ko pur-bahār kiyā hai kabhī kabhī

taḌpā qafas meñ kaun jo ai sub.h-e-nau-bahār
rū-e-gul-o-giyāh sabā chashm-tar ga.ī

mukhḌe kī nau-bahār huī ḳhat se āshkār
sabza na thā ye husn kā banjar thā par ghanā

mahv huuñ yād-e-chehra-e-shāhid-e-gul-azār meñ
ab ye ḳhizāñ-nasīb dil jā ke milā bahār meñ

toḌ rahā hai bāġhbāñ pañkhuḌiyāñ bahār meñ
koī to ho fidā-e-gul ek nahīñ mazār meñ

jis ko bharī bahār meñ ġhunche na kah sake
vo vāqi.a bhī mere fasānoñ ne le liyā

har baaġh meñ bahār huī ḳhema-zan magar
dāman ke saath saath yahāñ dil bhī phaT ga.e

koī ḳhabar bhī na bhejī bahār ne aate
ki ham bhī qismat-e-mizhgāñ sañvārne aate

biThā ke sāmne tum ko bahār meñ pī hai
tumhāre riñd ne tauba bhī rū-ba-rū kar lī

tirī ik nigāh se sāqiyā vo bahār-e-be-ḳhabarī rahī
gul-e-tar vahī gul-e-tar rahā vahī Daal Daal harī rahī

har dil-fareb chiiz nazar kā ġhubār hai
āñkheñ hasīn hoñ to ḳhizāñ bhī bahār hai

ġham-e-mohabbat meñ dil ke dāġhoñ se rū-kash-e-lāla-zār huuñ maiñ
fazā bahārīñ hai jis ke jalvoñ se vo harīf-e-bahār huuñ maiñ

bichhaḌne vaalo kabhī tum na chhoḌnā dāman
chale haiñ lūTne firdaus kī bahār nisār

guzar rahe haiñ shab o roz tum nahīñ ātīñ
riyāz-e-zīst hai āzurda-e-bahār abhī

aage aage āshiyāne ḳhār-o-ḳhas chunte chale
pīchhe pīchhe taḳht-e-tā.ūs-e-bahār aatā gayā