Tags-Bahaar

sho.ala-sifat haiñ raqs meñ apne chaman ke phuul
is ālam-e-bahār meñ ye kyā ġhazab huā

hañstī huī bahār kā chehra utar gayā
bārūd ban ke lafz jo nikle zabān se

vo jān-e-husn-o-latāfat hī ban ke aayā hai
bahār ġhuncha-ba-ġhuncha sabā chaman-ba-chaman

ye kaun dīvāne reg-e-sahrā ko mauja-e-ḳhūñ se sīñchte haiñ
koī kaho is junūñ kī us nau-bahār tak bhī ḳhabar ga.ī hai

ḳhaal dikhlātī hai phūloñ kī bahār
bulbulo apnā gulistāñ aur hai

hamārī kashtī-e-tauba kā ye huā anjām
bahār aate hī ġharq-e-sharāb ho ke rahī

hamāre dil meñ vahī aks-e-yār ab bhī hai
murād ye hai ki har pal bahār ab bhī hai

yuuñ bahār aa.ī hai is baar ki jaise qāsid
kūcha-e-yār se be-nail-e-marām aatā hai

bahār-e-dair-o-haram le ke kyā karūñ nāseh
ye qāfile to abhī tak sahar-maqām nahīñ

abhī na de mujhe izn-e-bahār ai saaqī
abhī hayāt sitāroñ se ham-kalām nahīñ

hai tirā intizār gulshan meñ
ro rahī hai bahār gulshan meñ

ma.anī-e-qadr-o-qazā hai nau-bahār-e-lāla-rañg
har dil-e-zarra meñ hai jazba na.ī ta.amīr kā

lachak hī jaatī hai shāḳh apne āshiyāñ kī bhī
chaman meñ gaatī huī jab bahār aatī hai

jis din se mile haiñ donoñ kā sab chain gayā ārām gayā
chehroñ se bahār-e-sub.h ga.ī ā.ankhoñ se faroġh-e-shām gayā

maiñ mutma.in huuñ agarche ḳharāb hai māhaul
ḳhizāñ ke ba.ad kā aalam bahār hotā hai

ab is tarah sitam-e-rozgār hotā hai
qafas ke sāmne zikr-e-bahār hotā hai

ye umīdoñ kā chaman hai rashk-e-sad husn-e-chaman
is chaman kī ik bahār-e-jāvedāñ hai zindagī

rañgīnī-e-bahār kā allāh re fusūñ
sāz-e-dil-e-shikasta ġhazal-ḳhvāñ hai āj-kal

pahle bhī itr-bez nasīm-e-bahār thī
kis kī shamīm-e-zulf pareshāñ hai āj-kal

kyā ḳhabar tujh ko asīr-e-nau-e-bahār
kitnī ra.anā.ī ḳhizāñ se aa.ī hai