Tags-Bahaar

ahl-e-gulshan bahār aa pahuñchī
ḳhār-o-ḳhas se chaman ko saaf karo

'asad' har jā suḳhan ne tarh-e-bāġh-e-tāza Daalī hai
mujhe rañg-e-bahār-ījādi-e-be-dil-pasand aayā

vo hasrat-e-bahār na tūfān-e-zindagī
aatā hai phir rulāne ko abr-e-bahār kyuuñ

ronā mujhe ḳhizāñ kā nahīñ kuchh magar 'shamīm'
is kā gila hai aa.ī chaman meñ bahār kyuuñ

rabt-e-yak-shīrāza-e-vahshat haiñ ajzā-e-bahār
sabza begāna sabā āvāra gul nā-āshnā

dast-e-sumūm dast-e-sabā kyuuñ nahīñ huā
dar mausam-e-bahār kā vā kyuuñ nahīñ huā

jahāñ har siñgār fuzūl hoñ jahāñ ugte sirf babūl hoñ
jahāñ zard rañg ho ghaas kā vahāñ kyuuñ na shak ho bahār par

kahīñ harf harf gulāb hai kahīñ ḳhushbuoñ se ḳhitāb hai
maiñ ḳhizāñ-nasīb sahī magar mirā tabsira hai bahār par

dāman kī kyā bisāt girebāñ hai chiiz kyā
nazr-e-bahār naqd-e-dil o jaañ kareñge ham

zavāl par thī bahār kī rut
ḳhizāñ kā mausam uruuj par thā

mirī zindagī pe na muskurā mujhe zindagī kā alam nahīñ
jise tere ġham se ho vāsta vo ḳhizāñ bahār se kam nahīñ

kaisī bahār hai ye kaisā hai vasl-e-mausam
Tahnī se TuuT kar jo rah meñ bikhar rahā hai

bahār meñ tū na jaane kaise kahāñ pe ġham thā
ḳhizāñ meñ mujh ko pukārtā hai yahī bahut hai

sair-e-varūd-e-qāfila-e-nau-bahār dekh
barpā ḳhayām-e-auj havā meñ ghaTā ke haiñ

rashk-e-sahrā hai ghar kī vīrānī
yahī rañg-e-bahār hai apnā

begāna-e-qayūd-e-bahār-o-ḳhizāñ rahe
yārab mirā junūn-e-mohabbat javāñ rahe

ham ba-qaid-e-qafas chaman se duur
kaise andāza-e-bahār kareñ

jo tere shahr ko gulgūñ bahār baḳhsh gayā
qadam qadam ba-sar-e-nok-e-ḳhār guzrā thā

na gul khile haiñ na un se mile na mai pī hai
ajiib rañg meñ ab ke bahār guzrī hai