Collections

Lab Shayari

Motivational Ghazals

Best Khamoshi Shayari

More Collections

Tags-Chaand

tum to Duube hue ḳhurshīd ke parvarda ho
tum nahīñ jānte ai chāñd sitāro mujh ko

jo saza chaho mohabbat se do yaro mujhko

rāt-bhar koī na so.e to sune shor-e-fuġhāñ
chāñd ko dard sunātā hai samundar apnā

kya guman tha ki na hoga koi ham-sar apna

are o charḳh dene ke liye daaġh
bahut haiñ chāñd ke TukḌe zamīñ par

koi munh chum lega is nahin par

sub.h ik buuñd ghaTāoñ meñ na thī
chāñd bhī shab ko samundar meñ na thā

aks koi kisi manzar mein na tha

aaheñ sard huī jaatī haiñ tum aa.e ho yā sub.h huī
chāñd kī rañgat phīkī hai tāroñ pe udāsī chhā.ī hai

sawan ki purwai ne kya dukhti choT dikhai hai

chāñd bhī sitāroñ ko saath le ke chaltā hai
jaane kyuuñ bhaTakte haiñ log be-sabab tanhā

chand bhi sitaron ko sath le ke chalta hai

ik nā-murād ufuq pe hai kohre kā chāñd sā
kaisī 'musavvir' aas vo be-ās de gayā

tanha shajar ke dard ka ehsas de gaya

ik chaudhvīñ ke chāñd par hī munhasir nahīñ
yūñhī har ek shai ko urūj-o-zavāl hai

puchho na ye firaq mein kya tera haal hai

maiñ zamīn par girā huā chāñd huuñ
qadmoñ se pahle dīvār mujhe phalāñg rahī hai

tanhai ka safarnama

sunte haiñ chamaktā hai vo chāñd ab bhī sar-e-bām
hasrat hai ki bas ek nazar dekh leñ ham bhī

sunte hain chamakta hai wo chand ab bhi sar-e-baam

raushnī ke liye darkār hai be-tābī-e-ḳhāk
chāñd lekin hunar-e-shab se ibārat bhī rahe

sulh-o-paikar bhi ho aur rifaqat bhi rahe

na raaz faash kabhī hoñ zamīn vāloñ ke
falak ne chāñd sitāroñ ko rok rakkhā hai

ye kis hasin ne logon ko rok rakkha hai

shab hamārā chāñd chhat pe aayā to
rañg uḌ gayā thā āsmān kā

hausla bhale na do uDan ka

shab-e-siyāh kā chehra udaas dekhā to
nikal ke chāñd ne us ko malīh kar Daalā

ye kaisa kaam ai dast-e-masih kar Dala

maiñ apne dil ko yuuñ pesh-e-nazar 'sīmāb' rakhtā huuñ
ki merā chāñd jab niklā isī manzil se niklegā

murattab ho ke ek mahshar ghubar-e-dil se niklega

nadiyā parbat chāñd nigāheñ maalā ek ka.ī daane
chhoTe chhoTe se āñgan bhī kosoñ phaile lagte the

dukh mein nir baha dete the sukh mein hansne lagte the

vo kaun thā jo din ke ujāle meñ kho gayā
ye chāñd kis ko DhūñDne niklā hai shaam se

ganThi hai usne dosti ek pesh-imam se

utar kar pāniyoñ meñ chāñd mahv-e-raqs rahtā hai
mirī āñkhoñ meñ kuchh is taur koī shaḳhs rahtā hai

utar kar paniyon mein chand mahw-e-raqs rahta hai

ye chāñd kartā hai ārām jab amāvas meñ
siyāh raat meñ tāroñ pe bojh paḌtā hai

agar na roen to aankhon pe bojh paDta hai

raushnī Duub ga.ī chāñd ne muñh Dhāñp liyā
ab koī raah dikhā.ī nahīñ detī mujh ko

luDhakta patthar