Tags-Charagh

isī ummīd par har shaam bujhā.e haiñ charāġh
ek taaza hai sar-e-bām ubharne vaalā

hasratoñ ke charāġh jalte haiñ
ḳhud se hī lau lagā.e rakhte haiñ

nafas kī zad pe har ik shola-e-tamannā hai
havā ke sāmne kis kā charāġh jaltā hai

kuchh to nayā kiyā hai havā ne patā karo
barham haiñ kyuuñ charāġh purāne patā karo

charāġh-e-tūr jalāo baḌā añdherā hai
zarā naqāb uThāo baḌā añdherā hai

miTā rahe haiñ vo kyuuñ dāġh-hā-e-dil 'hādī'
charāġh kyuuñ ye jalā kar bujhā.e jaate haiñ

jale magar jo na raushan hue zamāne meñ
vahī charāġh samajhte haiñ raushnī kyā hai

bujh gayā jab se apne dil kā charāġh
chāñdnī kā bhī rañg phīkā hai

roz jaltā hai sar-e-shām umīdoñ kā charāġh
dāman-e-lail bujhāte haiñ chale jaate haiñ

kitne savāl sab kī nigāhoñ meñ rakh diye
ghar ke sabhī charāġh havāoñ meñ rakh diye

mire māh-e-munavvar tere aage
charāġh-e-dair kyā sham-e-haram kyā

yuuñ dil meñ aaj nuur kī bārish huī 'jamīl'
jaise koī charāġh jalā de bujhā huā

dar-o-bām sab ne sajā liye sabhī raushnī meñ nahā liye
mirī uñgliyāñ bhī jhulas ga.iiñ magar ik charāġh jalā nahīñ

us naam meñ vo shola-garī hai jo lījiye
har room meñ charāġh sā chaltā dikhā.ī de

sitāre bujhte chale jā rahe haiñ ḳhemoñ meñ
bas ik charāġh sar-e-anjuman chamaktā hai

bujh ga.e jab mire sab ḳhvāb o charāġh o mahtāb
shahr-e-zulmat ko maiñ tab jā ke gavārā huā huuñ

tab-o-tāb-e-ishq kā hai karam ki jamī hai mahfil-e-chashm-e-nam
zarā dekhiyo ai havā-e-ġham ye charāġh koī bujhā na de

tum se bichhḌe hue ek muddat huī din guzartā rahā vaqt Taltā rahā
shaam aatī rahī dil dhaḌaktā rahā ham charāġh-e-mohabbat jalāte rahe

shaam ko jām-e-masarrat bhar ke chalkā.eñge ham
sub.h ko daur-e-charāġh-e-bazm ban jā.eñge ham

charāġh zulmat-e-be-nūr meñ jalānā tirā
pasand aayā na logoñ ko āstāna tirā