Tags-Dard

kyā musībat-zada dil mā.il-e-āzār na thā
kaun se dard-o-sitam kā ye taraf-dār na thā

ḳhāmosh ho kyuuñ dard-e-mohabbat ke gavāho
da.ave ko nibāho mire naalo mirī aaho

vo ek dard shagufta gulāb ho kar bhī
badan pe zaḳhm sā jaise nayā nikal aayā

parastish-e-ġham kā shukriya kyā tujhe āgahī nahīñ
tere baġhair zindagī dard hai zindagī nahīñ

usī kā aks har ik rañg meñ jhalaktā hai
vo ek dard jise sab chhupāte rahte haiñ

ba-zāhir zabt-e-paiham bhī sharīk-e-dard-e-ulfat hai
'shakīl' is par bhī apne dil kī rusvā.ī nahīñ jaatī

Duub rahī hai nabz-e-hastī TuuT rahā hai saañs kā jaadū
lail-o-nahār-e-zīst yahī hai dard hai darmāñ apne vatan meñ

dard minnat-kash-e-davā na huā
maiñ na achchhā huā burā na huā

iz.hār-e-dard merī zabāñ se na ho sakā
ai shoḳh dil kā haal mirī chashm-e-tar se pūchh

murādeñ ishq meñ sab ko mileñ magar mujh ko
nasīb dard-e-jigar ke sivā kuchh aur nahīñ

biite hue dinoñ kī halāvat kahāñ se laa.eñ
ik mīThe mīThe dard kī rāhat kahāñ se laa.eñ

mujhe jaanā hai ik din terī bazm-e-nāz se āḳhir
abhī phir dard Tapkegā mirī āvāz se āḳhir

har-chand tujhe sabr nahīñ dard va-lekin
itnā bhī na miliyo ki vo badnām bahut ho

dil ko bhī dī ga.ī hai ḳhidmat-e-dard-e-abadī
sirf āñkheñ hī mirī rone pe ma.amūr nahīñ

ab apne des kī āb-o-havā ham ko nahīñ bhātī
ġhulāmī ek zillat thī sarāpā dard āzādī

saañs letā huuñ to dam ghuTtā hai
kaisī be-dard havā hai yaaro

dil meñ kuchh dard sivā hai yaaro
aaj ronā bhī ravā hai yaaro

dard 'shākir' bas aise samjhoge
hasrateñ apnī maar kar dekho

tumhāre chāhne vaale vahāñ nahīñ milte
diloñ meñ dard kī shiddat jahāñ nahīñ hotī

ḳhalish to aaj bhī hotī hai mere siine meñ
nashist-e-dard jahāñ thī vahāñ nahīñ hotī