Tags-Dard

chhalak jaatī hai ashk-e-garm ban kar merī āñkhoñ se
Thahartī hī nahīñ sahbā-e-dard in ābgīnoñ meñ

bas ek dhuñd ḳhvāboñ kī fikr-o-ḳhayāl meñ
bas ek lams dard kā shām-o-sahar meñ thā

mirī muskān Dhal jaatī hai
tanhā dard kī maarī thakī haarī huī aurat kī aahoñ meñ

ye dil kā dard jo āñkhoñ meñ aa gayā hai mirī
maiñ chāhtā thā mire qahqahoñ meñ gum ho jaa.e

dard-e-dil dard-e-jigar dekhtā jā ai saaqī
kyā kahā kyā kahā phir kahnā dobāra kahnā

kuchh is tarah hai mujhe dard-e-ishq kā ehsās
ye jaise mujh ko yūñhī jism-o-jāñ se pahle thā

vo uTThe dard uTThā hashr uTThā
magar dil hai ki baiThā jā rahā hai

ye rañg dard ke aate nahīñ suḳhan meñ yūñhī
nihāl-e-dil pe mire zaḳhm hai khulā koī

tujh pe maiñ qurbāñ jaanī pyāre ham-nafas-o-ham-dard hamāre
tujh se hai ulfat maiñ ne ḳhabar kī chauñk musāfir raat nahīñ hai

mere siine meñ dhaḌaktā hai dil-e-dard-āshnā
is liye TuuTe hue dil joḌnā achchhā lagā

hamāre ba.ad bahā.e kisī ne kab aañsū
ham ahl-e-dard ko abr-e-ravāñ ne yaad kiyā

kahe hai 'jur.at' yahī ba-takrār dard-e-hijrāñ se haath mal mal
ilāhī chhuT jaa.eñ us kī nabzeñ milāp jis ne mirā chhuḌāyā

pyaar kā dard kā maz.hab nahīñ hotā koī
ka.aba-o-dair se matlab nahīñ hotā koī

qaa.em hai mere dard kā ab tak vahī bharam
ab bhī salām kartī haiñ purvā.iyāñ mujhe

likh rahe ye ishq kī ham dāstāñ
dard kā shahkār ho kar rah ga.ī

kuchh aur phail ga.iiñ dard kī kaThin rāheñ
ġham-e-firāq ke maare jidhar se guzre haiñ

dil kis se dukh bāñTe apnā kis se apnī baat kahe
dil hī hai ik jis ne yaaro dard mukammal Dhonā hai

dard-e-dil kī davā hai māh-e-nau
āsmāñ par khilā hai māh-e-nau

kisī ke dard-e-judā.ī ne ham ko jiite jī
misāl-e-abr-e-siyah ashk-bār hī rakkhā

jis ke siine meñ dard Thahrā ho
us kā ronā bahut zarūrī hai