Tags-Dard

dard-e-dil kā nahīñ koī darmāñ
zaḳhm kyā mundamil ho marham se

ishq kā tiir dil meñ laagā hai
dard jo hovtā thā bhāgā hai

sharīk-e-soz-e-darūñ jab se ho ga.e alfāz
nava-e-dard meñ sho.ale piro ga.e alfāz

koī āvāz na siskī na koī chīḳh kahīñ
dard mahbūs hai sahmī huī aaheñ qaidī

un dinoñ bhī dard kā saaya mire ham-rāh thā
jab dhuāñ ban kar vo mere zehn par chhā.ī na thī

ye bhī himmat na huī paas biThā ke pūchheñ
dil ye kahtā thā koī dard kā maarā hogā

hayāt kī jū-e-dard-o-ġham meñ safīne ummīd-o-ārzū ke
ba-shakl-e-mauj-e-nasīm ubhre ba-rañg-e-jism-e-habāb TuuTe

ham kahte kahte haar ga.e aur duniyā ne kuchh bhī na sunā
jab duniyā ne isrār kiyā ham apnā dard sunā na sake

nā-mukammal ḳhvāhishoñ kā dard kho dene ke ba.ad
yuuñ huā phir vo mujhe saare kā saarā mil gayā

mire haath meñ tire naam kī vo lakīr miTtī chalī ga.ī
mire chāra-gar mire dard kī hī vazāhatoñ meñ lage rahe

na ḳhushī meñ ab vo surūr hai na to dard meñ vo nasha rahā
lo 'sahāb' bāda-e-ishq ke vo sabhī ḳhumār chale ga.e

na badan bachā na lahū bachā na to jism kā koī mū bachā
koī jā ke kah de ye dard se vo tire shikār chale ga.e

na vo ashk ab na vo aable na vo chīḳhtī huī dhaḌkaneñ
mirī zaat se tire dard ke sabhī ishtihār chale ga.e

vo shaḳhs aayā thā ai 'sham.a' le ke mausam-e-gul
use ḳhabar hī na thī dard merā zevar thā

jo aañsū dard kī gahrā.iyoñ meñ Duub jaate haiñ
vahī āñkhoñ ko bhī girdāb meñ tabdīl karte haiñ

pahle ham pichhlī rutoñ ke dard kā kar leñ hisāb
is baras ke saare zaḳhmoñ kā shumār agle baras

kaif-o-nashāt-o-sar-ḳhushī nemateñ sab usī kī haiñ
mujh ko atā kiyā huā dard bhī mere rab kā hai

ruuh ke nāsūr to riste raheñge umr bhar
dard meñ aa jaa.e shāyad kuchh kamī bāteñ karo

hai taqāzā-e-junūñ silsila-vār mile
ġham kī zanjīr mile dard kī jhankār mile

ārzūoñ ke bahut ḳhvāb to dekho ho 'vasīm'
jaane kis haal meñ be-dard zamāna rakkhe