Tags-Dard

vo paak havā apne ghar kī pyaar kī jilā apne ghar kī dil meñ samāyā ghar apnā
īsār-e-vafā apne ghar kā vo dard diyā apne ghar kī ruuh pe chhāyā ghar apnā

sukh chain agar duniyā meñ hai apne hī ghar meñ miltā hai sukh kā sahārā ghar apnā
dukh-dard kī gar koī davā hī apne hī ghar kī sivā hai dukh kā mudāvā ghar apnā

shab-e-'firāq' uThe dil meñ aur bhī kuchh dard
kahūñ ye kaise tirī yaad rāt-bhar aa.ī

aabrū dard-e-dil kī baḌh jaa.e
jab vo pūchheñ tumheñ huā kyā hai

un ko bhūle hue zamāna huā
phir ye pahlū meñ dard sā kyā hai

zahe qismat ki us ko dard-e-mahrūmī pasand aayā
mohabbat aish-e-do-ālam ko Thukrātī huī aa.ī

paḌhiye mujhe salīqe se phir sochiye janāb
kyā dard-e-mustaqil hai maraz lā-davā bhī hai

duur āfāq pe lahrā.ī koī nuur kī lahr
ḳhvāb hī ḳhvāb meñ bedār huā dard kā shahr

jū-e-ehsās meñ larzāñ ye gurezāñ lamhāt
naġhma-e-dard meñ Dhal jaa.eñ zarūrī to nahīñ

ġham-e-pinhāñ nazar aatā hai mujhe dushman-e-jāñ
haa.e ye dard ki jis kā koī darmāñ bhī nahīñ

kaf-e-momin se na darvāza-e-daurāñ se milā
rishta-e-dard usī dushman-e-īmāñ se milā

hisāb-e-nek-o-bad jo bhī ho ham itnā samajhte haiñ
binā-e-hashr dard-e-dil pe chashm-e-tar pe rakkhī hai

vo shab-e-dard-o-soz-o-ġham kahte haiñ zindagī jise
us kī sahar hai tū ki maiñ us kī azaañ hai tū ki maiñ

merī hālat pe aañkh meñ aañsū
dard dar aayā kuchh chaTān meñ kyā

tilism-e-ishq thā sab us kā saath hone tak
ḳhayāl-e-dard na aayā najāt hone tak

ai zabt dekh ishq kī un ko ḳhabar na ho
dil meñ hazār dard uThe aañkh tar na ho

ab hijr kā mausam aa pahuñchā ham jaan ga.e the jab dil meñ
ik dard ne Derā Daal liyā ik dukh ne bayāñ imkān kiyā

dard-e-dil kahte hue bazm meñ aatā hai hijāb
taḳhliya ho to kuchh ahvāl sunā.eñ tujh ko

shab-e-visāl meñ bhī merī jaan ko ārām
azīzo dard-e-judā.ī ke Dar se kuchh na huā

uThāyā ishq meñ kyā kyā na dard-e-sar maiñ ne
husūl par mujhe us dard-e-sar se kuchh na huā