Tags-Falak

falak se taur qayāmat ke ban na paḌte the
aḳhīr ab tujhe āshob-e-rozgār kiyā

tāsīr aah kī kabhī tum ko dikhā.eñge
ham haiñ to gumbad-e-falak-e-chambarī nahīñ

tārīḳh meñ qaumoñ kī ubhre kaise kaise mumtāz bashar
kuchh mulk ke taḳht-nashīñ kuchh taḳht-falak ke tāj-basar

gardūñ se aaj hai falak-e-zulm phaT paḌā
siina meñ aaj hī dam-e-ātish-fishāñ na thā

Tapkā zamīñ pe gar falak-e-pīr ko to kyā
phir ye kaheñge sab ki vo kuchh naujavāñ na thā

ab āsmāñ ban ke mirā mudda.ī banā
thī lab pe kuchh fuġhāñ to falak kā nishāñ na thā

niiñd uḌ ga.ī girāñ hai ye shab rashk-e-māh par
bijlī na kyuuñ falak se gire merī aah par

kyā sikhā.egā un ko zulm-e-falak
ḳhud vo sīkhe-sikhā.e baiThe haiñ

pahuñch pahuñch kar falak par aaheñ kareñ na anjum meñ kyuuñ izāfa
ki shaam se sub.h tak shab-e-ġham sharar-fishānī hai aur ham haiñ

jo dā.imī hai zamīn-o-falak ke beach 'āfāq'
hamāre darmiyāñ vo fāsla nayā nayā hai

tule haiñ phir mah-o-anjum mujhe satāne par
dil-e-hazīñ vahī ik nāla-e-falak-paimūd

aatā hai dekh ke anjum ko ḳhayāl
hai falak ābla-pā kiyā baa.is

ziyāda ai falak de rañj-o-rāhat ham ko jo kuchh de
na do din kā ye ġham achchhā na do din kī ḳhushī achchhī

rahm falak aur mire haal par
tū ne karam ai sitam-ārā kiyā

tujh bin nahīñ ye jalva-numā shab ko māhtāb
chashm-e-falak safed hue intizār meñ

kuchh aage baḌh chale sāmān-e-rāhat lā-makāñ ho kar
falak pīchhe rahā jaatā hai gard-e-kārvāñ ho kar

falak se anvār
koh se chashme