Tags-Khuda

mashām-e-bulubul meñ rashk-e-gul kī hunūz bū bhī nahīñ ga.ī hai
abhī vo nām-e-ḳhudā hai ġhuncha nasīm chhū bhī nahīñ ga.ī hai

is qadar tiira o sard hargiz na thā dil kā mausam kabhī
ek pal meñ ḳhudā jaane kyā ho gayā

payambaroñ se zamīneñ vafā nahīñ kartīñ
ham aise kaun ḳhudā the ki apne ghar rahte

kahūñ maiñ achchhā burā yā karūñ koī bakvās
mirā ḳhudā hī to har baat merī suntā hai

ḳhudā shāhid ḳhudā shāhid hai kyuuñ kahte ho va.adoñ par
ḳhudā ko kyā ġharaz mere tumhāre darmiyāñ kyuuñ ho

ai shaiḳh kyā Darātā hai maidān-e-hashr se
ham bandagān-e-ḳhalq bhī bande ḳhudā ke haiñ

unheñ ḳhudā kā amal sharmsār kar degā
bichhā rahe haiñ jo kāñTe kisī kī rāhoñ meñ

dekhegā ḳhvāb meñ bhī na vo sūrat-e-sukūñ
jis ko ḳhudā se chashm-e-ināyat nahīñ rahī

tar-dāmanī se haath na dho ai dil-e-hazīñ
kyā ab ḳhudā kī josh pe rahmat nahīñ rahī

vafādārī huī be-kār marnā khel aa Thahrā
ḳhudā jaane ki ab kyā rañg-e-ā.īn-e-vafā Thahre

jo insāñ se insāñ ko vāqif kare
hameñ koī aisā ḳhudā dījiye

yā ḳhudā kyā hai sāhirī tauba
ḳhud hī bhar-bhar ke lauTtī ḳhushbū

sar jhukā.e rahe is vāste har ik lamha
ai ḳhudā tujh ko har ik zarre meñ paayā ham ne

mirī jabīn batā.egī azmateñ us kī
use ḳhudā ke liye sañg-e-āstāñ na kaho

ye tum se kis ne kahā hai ki dāstāñ na kaho
magar ḳhudā ke liye itnā sach yahāñ na kaho

us kī fariyād kā kyuuñ tum pe asar hotā hai
aur koī hai 'munavār' kā ḳhudā tum to nahīñ

ḳhudā tū itnī bhī mahrūmiyāñ na taarī rakh
hamāre jism meñ ik ruuh to hamārī rakh

husn vāloñ ke vāste kar de
ai ḳhudā tū hijāb kī bārish

garebān vahshat ne phāḌā to kyā ġham
ḳhudā rakhne vaalā hai parda hamārā

ḳhudā jaane huā kyā kūcha-e-jānāñ meñ dil jā kar
mirā bhūlā huā bhaTkā huā ab tak nahīñ aayā