Tags-Phool

parde meñ is badan ke chhupeñ raaz kis tarah
ḳhushbū na hogī phuul kī ġhammāz kis tarah

chaman meñ phuul 'tasavvur' khileñ har ik jānib
isī sabab se to sahrā basānā chāhā hai

bāhar damaktī barf meñ andar mahaktī raat meñ
us ke badan kā phuul hai jaise havā ke haat meñ

ḳhaak ho kar bhī kab miTūñgā maiñ
phuul ban kar yahīñ khilūñgā maiñ

aise moḌ pe aa jaatī hai baḌhte baḌhte baat kabhī
phuul se lahje ko majbūran ḳhanjar karnā paḌtā hai

yuuñ zamāne meñ mirā jism bikhar jā.egā
mire anjām se har phuul nikhar jā.egā

ye sab tire mire iz.hār kī alāmat haiñ
shafaq ke rañg meñ sho.ala, lahū, zabāñ aur phuul

vo log aaj ḳhud ik dāstāñ kā hissa haiñ
jinheñ aziiz the qisse kahāniyāñ aur phuul

ḳhizāñ kī rut hai janam-din hai aur dhuāñ aur phuul
havā bikher ga.ī mom-battiyāñ aur phuul

'zafar' maiñ sūrat-e-ḳhushbū qayām kartā huuñ
so ek se mujhe lagte haiñ sab makāñ aur phuul

yaqīn kar ki yahī hai bujhe diloñ kā ilaaj
tirī vafā tirī chāhat tirā gumāñ aur phuul

jo zaḳhm phuul kī pattī kā sah sakā na kabhī
us aabla ko vo apnī sipar banātā hai

phuul jaise husain chehre bhī
haa.e sahte azaab dekhe haiñ

dosto jashn manāo ki bahār aa.ī hai
phuul girte haiñ har ik shāḳh se aañsū kī tarah

vo nazar hai surāġh meñ dil ke
phuul mahke haiñ daaġh meñ dil ke

kisī ke lams kā ehsās paiham ho rahā thā
ki jaise phuul par ma.asūm titlī so rahī thī

sabā kī baat suneñ phuul se kalām kareñ
bahār aa.e to ham bhī junūñ meñ naam kareñ

maiñ hazār shakl badal chukā chaman-e-jahāñ meñ sun ai sabā
ki jo phuul hai tire haath meñ ye mirā hī laḳht-e-jigar na ho

rakh kar ridā-e-ishq meñ kuchh phuul aur ḳhvāb
'shāhīn' aaj merī tarah mar rahī hai raat

jo husn tū ne shakl ko baḳhshā vo bol uThā
jo rañg tū ne phuul meñ Daalā vo khil gayā