Tags-Phool

jo phuul se bhī halkā ta.alluq thā in dinoñ
lagne lagā hai koh girāñ-bār kī tarah

badan meñ aag lagāte hue duā ke haath
lahū meñ phuul khilātī huī umañg vahī

farq kyā maqtal meñ aur gulzār meñ
Dhaal meñ haiñ phuul phal talvār meñ

dushman ne merī raah meñ kāñTe bichhā diye
aur maiñ uThā to phuul hī botā chalā gayā

vo bahār kaash aa.e vo chale havā-e-dil-kash
ki qafas pe phuul barseñ mirī shāḳh-e-āshiyāñ se

mire ba.ad kī bahāreñ mirī yādgār hoñgī
ki khileñge phuul akasr mirī ḳhāk-e-rā.egāñ se

ziist ḳhudā jaane hai kyā shai bhuuk tajassus ashk farār
phuul se bachche zohra-jabīneñ mard mujassam bāġh-o-bahār

miTTī se jab phuul khilā.e kār-e-junūñ kī mehnat ne
shahr kuchh is andāz se phaile jā pahuñche vīrāne tak

nahīñ rahegā hamesha ġhubār mere liye
khileñge phuul sar-e-rahguzār mere liye

banda-parvar sirf nazzāre pe qadġhan kis liye
phuul phal jo baaġh ke the aap kī jholī meñ the

phuul ne jab phuul māñgā phuul ne hañs kar kahā
phuul le kar kyā karoge tum to ḳhud ek phuul ho

shāḳh aur phuul rishta-e-yak-lamha ke asiir
apnī talab ke sāmne ye aa.inā bhī rakh

diye hoñ phuul hoñ bādal hoñ yā parinde hoñ
ye sab havā ke satā.e hue se lagte haiñ

mujh aah kī garmī siiñ jhaḌe phuul chaman ke
ai sarv-e-gulistān-e-adā baaġh meñ jā dekh

na kyuuñ ham-shakl-e-bulbul mad.h meñ naġhma-sarā huuñ maiñ
tumhīñ mujh ko batā do phuul se ruḳhsār kis ke haiñ

TūTnā Thokaroñ se behtar thā
phuul kyā soch kar banā patthar

tujh ko andoh-e-asīrān-e-qafas kī saugand
ārzūoñ ke hasīñ phuul khilā kar laanā

jise sajānā thā armān us kī zulfoñ meñ
vo phuul us kī talab meñ bikhartā jaatā hai

huuñ gunahgār magar itnā gunahgār nahīñ
mujh ko degā bhī to vo phuul sā patthar degā

bū-e-mushkīñ muskurā.ī phuul ḳhushbū le uḌe
us sarāpā-nāz kī yuuñ zulf lahrā.ī ki bas