Tags-Bahaar

nazar nazar hai fasāna nafas nafas shikva
hujūm-e-yās meñ sharminda-e-bahār nahīñ

hamīñ ne ḳhuun se sīñchā hai ġhuncha-o-gul ko
bahār kahte haiñ jis ko vo ye bahār nahīñ

aap kā husn hai bahār mirī
in laboñ ke gulāb de diije

hamesha hasb-e-istedād hai faizān-e-qudrat bhī
bahār aa.ī chaman meñ dasht meñ dīvāna aatā hai

'adam' bahār ke mausam ne ḳhud-kushī kar lī
khulā jo rañg kisī jism-e-arġhavānī kā

dīdanī hai bahār kā manzar
zahr chhiḌkā gayā daraḳhtoñ par

nikal ke dekho haram se bahār duniyā kī
ki but-kade meñ hazāroñ charāġh jalte haiñ

guzar rahe haiñ ba-ujlat bahār ke ayyām
paḌā hai raḳht-e-badan taar taar karne ko

samā rahe haiñ magar tere nau-ba-nau jalve
ki ban gayā hai tilism-e-bahār ā.īna

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

vahī bahār jise tum bahār kahte ho
sulūk ham se bahut us ne bāġhiyāna kiyā

hai josh-e-gul bahār meñ yaañ tak ki har taraf
uḌte hue ulajhte haiñ murġh-e-chaman ke paañv

gard-e-ġhurbat se bharī hai mere maskan kī bahār
dāman-e-sub.h-e-vatan meñ gul hai gul meñ ḳhaak hai

kaafī na thā jamāl-e-ruḳh-e-sāda-e-bahār
zebā.ish-e-giyāh-o-shajar kar rahe haiñ ham

dasht meñ raqs-e-shauq-e-bahār ab kahāñ bād-paimā.ī-e-dīvāna-vār ab kahāñ
bas guzarne ko hai mausam-e-hāv-hū tum kahāñ jāoge ham kahāñ jā.eñge

joban par in dinoñ hai bahār-e-nashāt-e-bāġh
letā hai phuul bhar ke yahāñ jholiyāñ basant

abhī aur mātam-e-rañg-o-bū ki chaman ko hai talab-e-numū
tere ashk hoñ ki mirā lahū ye amiiñ haiñ fasl-e-bahār ke

kabhī apne ishq pe tabsire kabhī tazkire ruḳh-e-yār ke
yūñhī biit jā.eñge ye bhī din jo ḳhizāñ ke haiñ na bahār ke

ai majāz ai tarāna-bār majāz
zinda paiġhambar-e-bahār majāz

bahār-e-be-kaif kis liye hai guloñ pe rañg-e-shikast kyuuñ hai
abhī to kitnī hī bijliyāñ haiñ chaman meñ tark-e-chaman se pahle