Tags-Bahaar

vajūd-e-charḳh-e-kuhan se pahle qayām-e-dar-o-rasan se pahle
hamīñ the tere chaman kī zīnat bahār-e-husn-e-chaman se pahle

sub.h-e-bahār aa.ī thī le kar rut bhī na.ī shāḳheñ bhī na.ī
ġhuncha-o-gul se pyaar hai lekin shāḳh se nafrat aaj bhī hai

abhī hai ġhuncha-e-dil kī shaguftagī mumkin
hazār baar agar mausam-e-bahār aa.e

hazār phuul liye mausam-e-bahār aa.e
jo dil ho suukh ke kāñTā to kyā qarār aa.e

qadam qadam pe garebāñ qadam qadam pe lahū
yahī to ek subūt-e-bahār raah meñ hai

jis ne ḳhizāñ ko bhejā hai us ke paas bahār bhī hai
jis ne baaġh ujāḌā hai vo ḳhud phuul khilā.egā

ghaTā chhātī bahār aatī tumhārā tazkira hotā
phir us ke ba.ad gul khilte ke zaḳhm-e-dil harā hotā

dosto bas is lamha ham ko yaad kar lenā
jab kabhī gulistāñ meñ mausam-e-bahār aa.e

dil ke gulshan meñ tum chale aao
aur kar do sadā-bahār mujhe

vo nasīm jaane kahāñ ga.ī vo gulāb jaane kidhar khile
koī aag pichhlī bahār kī mire qalb meñ na chaman meñ hai

mirā to farz chaman-bandi-e-jahāñ hai faqat
mirī balā se bahār aa.e yā ḳhizāñ guzre

bharī bahār meñ tārāji-e-chaman mat pūchh
ḳhudā kare na phir āñkhoñ se vo samāñ guzre

haa.e zanjīr-shikan vo kashish-e-fasl-e-bahār
aur zindāñ se nikalnā tire dīvāne kā

bachā bachā ke guzarnā hai dāman-e-hastī
sharīk-e-ḳhār bhī kuchh jashn-e-nau-bahār meñ haiñ

ishq meñ dil ke ilāqe se guzartī hai bahār
dard ehsās tak aa.e to namī tak pahuñche

dukh uThāo kitne hī ghar bahār karne meñ
ek pal nahīñ lagtā phuul sab bikharne meñ

tere dīvāne kyā bhalā jāneñ
kab ḳhizāñ aa.ī kab bahār aa.ī

chashm-e-giryāñ kī ābyārī se
dil ke dāġhoñ pe phir bahār aa.ī

bū-e-gul ruḳhsat huī shāyad ye ho ḳhatm-e-bahār
TūTtī lai meñ bikhartī saut-e-shab-āhañg hai

hasīnoñ par na rañg aayā na phūloñ meñ bahār aa.ī
nahīñ aayā jo lab par naġhma-e-mastāna barsoñ se