Tags-Bahaar

milā ke qatra-e-shabnam meñ rañg o nik.hat-e-gul
koī sharāb banāo bahār ke din haiñ

nikle ho kis bahār se tum zard-posh ho
jis kī naved pahuñchī hai rañg-e-basant ko

dosto jashn manāo ki bahār aa.ī hai
phuul girte haiñ har ik shāḳh se aañsū kī tarah

vo jo aa.e to aa.e sub.h-e-bahār
ghup añdherā hai baaġh meñ dil ke

phir aayā jām-ba-kaf gul-ezār ai vaa.iz
shikast-e-tauba kī phir hai bahār ai vaa.iz

mahak uḌātī huī aa.ī hai nasīm-e-bahār
kaho ab ahl-e-chaman se ki fikr-e-dām kareñ

sabā kī baat suneñ phuul se kalām kareñ
bahār aa.e to ham bhī junūñ meñ naam kareñ

bijlī girī thī kab ye kisī ko ḳhabar nahīñ
ab tak chaman meñ aag lagī hai bahār meñ

havā-e-tāza dil ko ḳhud-baḳhud bechain kartī hai
qafas meñ kah gayā koī bahār aa.ī hai gulshan meñ

guloñ meñ husn nahīñ aur chaman bhī āzurda
mire qarīb huvaidā bahār-e-vahshat hai

ranj o malāl o kaif o nashāt o bahār-e-umr
jo kuchh mujhe milā use khotā chalā gayā

vo bahār kaash aa.e vo chale havā-e-dil-kash
ki qafas pe phuul barseñ mirī shāḳh-e-āshiyāñ se

mire ham-safīr ise bhī asar-e-bahār samjhe
unheñ kyā ḳhabar ki kyā hai ye navā-e-āshiqāna

mujhe us junūñ kī hai justujū jo chaman ko baḳhsh de rañg o bū
jo naved-e-fasl-e-bahār ho mujhe us nazar kī talāsh hai

ziist ḳhudā jaane hai kyā shai bhuuk tajassus ashk farār
phuul se bachche zohra-jabīneñ mard mujassam bāġh-o-bahār

bharī bahār hare ḳhvāb ke gulāb liye
tamām umr maiñ ujḌī huī rutoñ meñ rahā

'sailānī' us bahār meñ jaate hue hameñ
murjhā.e gul ġhamoñ kī ridā de ga.ī sabā

zaḳhmoñ ko mire rañg hinā de ga.ī sabā
chāhā thā kyā bahār meñ kyā de ga.ī sabā

kaise aa.e kisī gulshan meñ bahār
dasht meñ ābla-pā baiThī hai

har sū hai bahār-e-māh-e-august
hai dil meñ qarār-e-māh-e-august